水晶宮英聯盃攞着數

猪拉多纳

25/10/2011
文： 麥馬拿仁

英聯盃十六強，修咸頓心不在焉，作客讓唔起水晶宮！「聖人」本季於英冠打出超水準，將全力爭取升班，難怪球隊當英聯盃冇到，上兩圈幾乎以全後備敷衍。水晶宮雖亦非夫添出擊，但主場極具惡氣，上圈就淘汰過米堡，今仗受讓好路！（周三凌晨2時45分開賽）


修咸頓志在爭升班


修咸頓新升班踢到曉飛，現時高踞英冠榜首，依家「聖人」已將目標鎖定為爭升班，英聯盃真係睬佢都傻。上圈鬥普雷斯頓，前鋒列基林拔、干洛尼，攻擊樞紐杜柏度等全部冇出，只有卓奴同凱維特兩名常規正選落場。其實對上兩圈「聖人」可以過關，只因對手來自低組別聯賽，今次鬥硬嘢水晶宮，讓波制唔過。水晶宮有自知之明，難爭升班不如爭盃賽，主場有力保持不敗。




此外，「英超內訌」阿仙奴主場鬥保頓，兵工廠一班小將戰鬥力比以前有所減弱，保頓聯賽踢唔掂，領隊奧雲高尼為保烏紗將會較為肉緊，受讓捧「讓球客勝」。