|
|
21/10/2011
文： 立民
香港人最鍾意跟風，好似近兩年興炒樓，半年前就「搶鹽」，最近呢個星期興手機下載軟件「LINE」之後又即刻剷走，總之咪執輸，潮流尖端就最啱。所以我哋消息傳播得快嘅同時，以訛傳訛嘅能力亦都高。
其實買波亦一樣，近排只要跟「熱」風就得，因為強隊大多可以開出主W，原因係佢哋季初人腳整齊，弱旅難以偷雞。英超有曼市雙雄，西甲亦有巴塞隆拿，佢哋到依家重未輸過波唔出奇，反而最估唔到嘅係澳職都有隊銀行球隊叫做布里斯班獅吼！
其實獅吼已經做出跨季30場聯賽不敗，主場就更加天下無敵！上季10勝5和、攻入31球，呢個成績同教頭保斯迪高路嘅帶隊方針有好大關係。球員搓波特別叻，若果無波在腳亦會配合走位，難怪喺澳職咁勁！至於獅吼喺世界球壇嘅實力又去到邊個Level？澳洲足總嘅戰術總監就話，應該可以喺荷甲中游生存，你就心中有數啦！
黃金海岸聯未開齋
成績好就會惹人眼紅，近期澳洲傳媒熱話，就係估獅吼幾時斷纜。已經睇過佢哋今季兩場直播，小弟覺得呢隊波擅用純熟嘅進攻模式，所以就算換過班球員，只要球隊保持核心價值不變就OK。
我估今日獅吼迎戰開季以來仍未開齋嘅黃金海岸聯，依然會繼續用呢個模式進攻，未有耐斷纜住。（有線64及204台周五下午5時30分直播）
立民推介：布里斯班獅吼 Vs 黃金海岸聯 主勝
|
|
金睛卡
发表于 2011-10-21 10:15
变色卡
显身卡