利華怕西兵華倫受讓筍

猪拉多纳

19/10/2011
文： 法比加輝

同樣係歐聯E組賽事，今輪有利華古遜主場對華倫西亞。利華近季最忌遇上西班牙幫，事關近八次面對西班牙球會都未贏過，既然對「西兵」毫無符弗，今場華倫有得受讓要捧！




（有線63及203台周四凌晨2時45分直播）


近8次對西班牙球會未威過


今季重返歐聯舞台嘅利華古遜，在分組賽表現尚算對辦，雖然首戰作客不敵車路士，但上場就贏番亨克，總算應贏則贏，現以三分居次。不過今場遇上華倫西亞就肯定難踢，皆因利華近年對親西班牙球會都冇運行，近八仗未嘗一勝，對上一次贏波已經要數到○四年在歐聯分組賽擊敗皇家馬德里。




其實利華被西班牙幫食住都唔算奇怪，始終西班牙球會近年在歐洲賽成績上，的而且確較德國兵好，而佢哋嘅聯賽水平亦較高，所以利華今場可能繼續受「魔咒」困擾，發揮唔出應有水準。




事實上，華倫西亞今季擴軍後表現惹人好感，九場賽事就只係輸過一場，面對車路士及巴塞隆拿等世界班霸都保持不敗，而球隊今場又近乎「夫添」上陣，主力都可候命，因此加輝認為「蝙蝠兵團」受讓值博，「讓球客勝」及受讓平半嘅下盤都可捧場。