FC東京陣容超班打橫行

猪拉多纳

19/10/2011
文： 蘇豪

日乙ＦＣ東京擁有超級豪華陣容，戰至季尾終於踢出霸氣，近期愈贏愈有，全速前進爭升班，今輪作客風流波ＦＣ橫濱可添食，客勝冇乜分頭，直取「讓球客勝」。




（周三下午６時30分開賽）




ＦＣ東京今季降落日乙後愈執愈正，現時人腳極具分量，前線擁有盧卡斯施維連奴及羅拔圖施薩，前者屬大阪飛腳舊將，級數甚高。另外，中後場又有尾山陽平、石川直宏及今野泰幸等優質土炮，就算踢日職都有條件殺上前列，於日乙當然超晒班啦！


ＦＣ橫濱捱打


經過大半季磨合後，ＦＣ東京近期着晒火，聯賽連盃賽七連勝，每場最少贏兩球，七戰合共只失一球，弗到勒都勒唔住。大軍現時拋離次席球隊七分，仲未肯定取得升班席位，今次面對ＦＣ橫濱會繼續狂攻搶分，可放心捧「讓球客勝」。