法國殘陣波斯尼亞有雞偷

猪拉多纳

11/10/2011
文： 笛子波童

D組出線關鍵戰法國主場對波斯尼亞，法國今場和波已可首名晉級，在傷兵問題困擾下未必會谷得太前。波斯尼亞近期狀態弗到爆，而且冇心理壓力之下發揮隨時更佳，波童敲「讓球客勝」。




（now 633及714周三凌晨3時直播）




法國上場喺傷兵滿營情況下，主場以三比○擊敗阿爾巴尼亞，目前領先波斯尼亞一分，只要今場唔輸便可以首名資格進身決賽周。中堅阿爾拉米及中場卡比耶上仗受傷，後者傷勢較重料缺陣，另外艾拉、艾比度亦要經過檢查先知能否上陣，主隊法國只能以地莊出戰，既然攞一分已夠數，大可先求穩守睇定嚟踢。


波軍信心爆棚


波斯尼亞外圍賽四連勝，今場無論贏輸都至少可以參加附加賽，對佢哋嚟講已經超額完成，心理上冇嘢好輸。球隊連熱身賽在內，近五場比賽不敗兼冇失波，信心、狀態皆處巔峰，拚輸嚟踢未必冇得打，受讓之下當然要捧波斯尼亞「讓球客勝」。