馬體會錢搵錢

猪拉多纳

21/09/2011
文： SAMVO肥叔

西甲雙雄讓波讓到離晒譜，完全改變整個菠菜市場，普羅球迷傾向照玩上盤，但唔少大鱷計啱條數趁機搵食。皇家馬德里上場聯賽失分，大戶睇準時機反佢哋，結果順利得手，唔少散客損手爛腳，班大戶就賺到盆滿缽滿，真係冇計。




西甲快車期打到嚟，皇馬作客桑坦德要讓到球半、兩球，又係讓得太多，桑坦德主場踢落唔曳，今次隨時製造冷門賽果，呢場可博下盤，兼顧大盤。另一名牌球隊巴塞隆拿作客華倫西亞要讓到一球、球半，有冇搞錯，梗係要華倫啦，又係兼顧大盤，隨時可以雙殺。




今次重心揀場西甲馬德里體育會主場對希杭，捧主隊！馬體會上場對住桑坦德大幅讓波，臨場大戶仍然重注上盤，結果飛到波到順利大炒對手，反映呢班波有分量，今場對住開季三連敗嘅希杭，現時雖然讓得較多，但預計可以輕鬆再贏，呢隻上盤絕對值得信賴。（周四凌晨２時開賽）


拿玻里對辦再追


同日拿玻里作客對基爾禾，拿玻里上場技術性擊倒ＡＣ米蘭，表現非常對辦，呢班波具備爭霸實力，對住三線球隊基爾禾話贏就贏啦，捧拿玻里！