西維爾3分手到「拿」來

猪拉多纳

20/09/2011
文： 亨格比利

啱啱先啃完巴塞隆拿8蛋，奧沙辛拿話咁快就要重新上路，不過呢條路肯定唔易行，事關佢哋今晚嘅對手係穩打穩紮嘅西維爾，客軍一對鋒將尼格度同簡路迪一開季就入晒局，睇怕奧沙辛拿都要輸多鑊勁，捧4.8倍「讓客」。（now632及660台周三凌晨2:00直播）




西維爾今夏羅致中堅史柏希斯同中場杜查奧斯基等猛將，目的就係想揚威歐洲戰場，奈何佢哋喺歐霸盃附加賽就玩完，不過西甲3戰就錄2勝1和佳績，證明歐霸盃出局反而令佢哋可以集中火力應付西甲。


奧沙辛拿中後場傷兵多


上仗傷愈復出即刻有波入嘅簡路迪，對住皇家蘇斯達踢唔足全場，相信教練托拉爾唔想用得佢老人家太盡，預計呢位馬里射手今晚會拍住新季已經入咗3球嘅尼格度攻堅，造訪續有列斯高、沙治奧費南迪斯同索查幾位中後場球員倦勤嘅奧沙辛拿，力足大勝而回。