阿甲榜首戰撐拉魯斯

猪拉多纳

18/09/2011
文： BlackJack

小保加開咧咁耐，今日作客拉魯斯係第一次無傷無病，可以強陣出擊，但係對手向來主場強爆，呢場阿甲榜首大戰都係博拉魯斯上盤為宜，再過落去塞圖巴爾和同東京綠茵主W度，可以執到過10倍嘅回報。




阿甲開咗6輪，拉魯斯、小保加都係4勝2和並列榜首，連得失球都一樣，所以今戰分到勝負嘅話，就會有隊彈出嚟。從名氣嚟講，小保加絕對贏晒，今日仲係佢哋呢季首次無傷病紀錄，可以用番上仗小勝聖馬田1:0嘅原陣出擊，表面睇可以秤先啲。不過，拉魯斯呢班波主場強勁，上季主勝率達60%，仲兩勝小保加，今季亦無跌Watt，足智彩開佢哋讓小保加平半其實好合理，平半盤始終開上盤機率大過下盤，博拉魯斯至多輸半格啫。


塞圖巴爾和串東京綠茵W


場葡超塞圖巴爾對比拉馬，足智彩冇開讓球盤，但個賠率格局都係平半盤嚟嘅，呢兩隊波近6次交手開咗3場和，況且塞圖巴爾有蘇斯華姆、阿歷山大沙哈維養傷，雖然佢哋咬牙切齒話要贏波，終止聯賽兩連敗，但係比拉馬自己知自己事，尤漢泰華利斯、安達馬古斯兩件衞將都傷咗要變陣，仲唔同你死守博和咩？




日乙東京綠茵對FC橫濱，綠茵呢排幾頭痕，前鋒平繁龍一、後衞富澤清太郎都涉及交通意外車親人，搞到個會要道歉，今日响聖地國立競技場出擊肯定想贏波洗吓底，要1.8倍主勝啦！

有赢不输