狼隊主場堅硬嚼昆士柏

猪拉多纳

17/09/2011
文： 張志德

有時睇波，唔一定要睇勁旅大戰，弱旅互撼一樣咁好味，今晚英超狼隊主場對昆士柏流浪，亦有觀賞性。弱旅有自知之明，技術唔夠就憑拚勁搭夠，尤其係對戰雙方咁高咁大，一落場就踢到飛沙劈石，戰情必定刺激。（有線202及302台周六晚10時直播）




細鬼本季現場評述了多場英超賽事，對狼隊同昆士柏流浪（QPR）都有一定了解。狼隊上場聯賽不敵熱刺之前，開咧四場三勝一和，當中贏過富咸、布力般流浪，亦打和過阿士東維拉，可謂有超水準演出，幾名攻擊主力如奇雲杜里、史提芬費查、馬菲查維斯都好搶鏡。狼隊最大優勢係KEEP得番上季班底，默契、隊形都極佳，尤其主場出擊更有威勢。狼隊要於季尾護級成功，喺主場一定要搶三分，戰意有保證。


QPR新兵未入局


QPR有富豪老細撐腰，於上個轉會市場簽入祖爾巴頓同胡禮菲臘斯等好球員，但佢哋啱啱加入，未能即時提升整體戰鬥力，而睇番上場對紐卡素，QPR始終有英冠球隊味道，級數差些少。今場狼隊主W得1.78倍，莊家都頗睇好主隊，細鬼推介主Ｗ同細盤。


張志德


本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。