英聯盃韋根唔志在 水晶宮有雞偷

猪拉多纳

13/09/2011
文： 蘇豪

今日有場英聯盃第二圈賽事值得留意，英冠球隊水晶宮喺主場越級挑戰英超球隊韋根有得受讓，「讓球主勝」捧得過。




（周三凌晨3時開賽）


韋根或派二打六應酬


上季僅告護級成功嘅英超球隊韋根，今季表現大有改善，開季四戰只輸一場，就係上周作客勁旅曼城淨吞三蛋，但輸波主因純屬技不如人，其餘三場英超取得一勝兩和，成績唔錯，球隊發揮都算平穩。韋根對住英冠球隊無疑級數較高，不過大軍今季目標仍然係護級，根本無心爭盃仔，今場分分鐘收起主力，求其搵班二打六敷衍了事，所以作客讓波絕對唔抵玩。




水晶宮今季主場未輸過，演出非常硬淨，今次有機會偷雞，可博「讓球主勝」！