切塞納受讓明醒「里」

猪拉多纳

10/09/2011
文： 牛奶仔

今晚場意甲獨腳戲，上季聯賽季軍拿玻里會造訪有前羅馬尼亞國腳梅度孭飛嘅切塞納，佢哋今晚有中場加根奴停賽，加上有歐聯嘅後顧之憂，點讓得起着重防守嘅主隊，一於捧1.75倍「讓球主勝」啦。（廣東體育周日凌晨2:45直播）


拿玻里留力鬥曼城


拿玻里今夏簽入恩拿同當拿度等高質素新兵，更從國際米蘭借入前鋒彭迪夫，可惜當拿度今仗會連同後衞比圖斯雙雙倦勤，同時中場加根奴又要停賽，令拿玻里陣容殘缺。




拿玻里今季簽咁多新兵都係為咗應付雙線發展，呢班波喺今屆歐聯被編入死亡A組，嚟緊周中首戰要作客億萬大軍曼城，預料今場會因此收起部分主力，留番喺幾日後搏殺。




切塞納上季成功護級後，今夏簽入包括梅度、艾達馬田斯、古亞拿等大量具質素嘅新兵，而今晚亦只有後備中場拉菲爾馬天奴因傷缺陣，可以強陣出戰。會方喺季前炒咗主攻嘅教練費卡丹迪，換嚟偏重防守嘅基安保路執教，結果於季前熱身賽攞到唔錯成績，相信即使今仗於主場出擊，仍會以穩守突擊戰術應戰，對住分心歐聯嘅拿玻里，要攞1分相信唔難。