雷米跨季6場聯賽入波 馬賽作客歎私房塞

猪拉多纳

14/08/2011
文： 阿當K神

今晚法甲「塞賽」大戰，褪色豪門歐塞爾會喺主場迎戰馬賽，不過佢哋3名主力唔踢得，殘陣對住有射手雷米大勇嘅馬賽難有勝算，一於敲1.9倍客勝。（now634台周日晚上11:00直播）


歐塞爾門將缺陣


歐塞爾上季表現大跌Watt，只能夠以第9位衝線，今夏佢哋有中場主力柏達堤轉投里爾，加上新帥科尼亞又未摸熟隊波，搞到首輪聯賽即以1:3喪師蒙彼利埃腳下。今場主隊有前鋒耶耶辛洛高、守將漢巴特及門將奧利華蘇連因傷缺陣，實力大大削弱。




馬賽上季贏得法聯盃，啱啱又喺法冠盃擊敗里爾捧盃，氣勢如虹。雖然佢哋喺上場開咧戰只能夠以1:1逼和索察，但係前鋒雷米已經跨季6場聯賽有波入，相信今晚將繼續有貨交。再者，馬賽喺兩軍近4次交手錄得1勝3和，其中包括3次仲係作客添，今場即使要客場出擊亦捧得過！