|
16/07/2011
文: 蘇豪
日職周中開完快車,今日又有四場賽事舉行。直播波川崎前鋒主場對柏雷素爾,兩軍季初交足貨,且同樣具備入球能力,今場隨時上演入球騷,捧大盤!(now 633及660周六晚6時直播)
川崎前鋒冇改錯名,一向崇尚進攻足球,前線嘅祖尼奴、小林悠、山瀨功治同中村憲剛有料到,進攻板斧甚多,唔使愁冇波入。雖然前鋒周中以○比二不敵浦和紅鑽,但翻查佢哋嘅主場成績,近五次入十二球,可見佢哋主場踢法更加進取,上仗輸波只會令前鋒加多幾錢肉緊!
柏雷素爾火力有保證
榜首嘅柏雷素爾今季火力亦相當強,十六戰入三十球,入球數字與前鋒並列第二位。柏雷素爾今季成績大躍進,歸功於巴西中場李安度杜明基斯有光芒四射嘅演出,加上射手田中順也腳風順,令近幾仗都保持高入球率。
事實上,兩隊交手非常旺大,近七次碰頭有六場開大,唯一開唔到嗰場都有兩球交收,相信今場都會大手交易!
日職推介
甲府風林 大
川崎前鋒 大
神戶勝利船 大
|
|