銀河殘陣冇力抗地震

魑魅魍魉

25/06/2011
文： 牛奶仔

聽朝美職上演一場西岸內訌，剛被打斷連勝紀錄嘅聖荷西地震會返主場出擊，迎戰有大量主力缺陣嘅洛杉磯銀河，地震有權贏波翻身，冷吼3倍主勝！（now633及660台周日早上6:30直播）


聖荷西地震射手回歸


聖荷西地震上場作客輸咗畀肯薩斯體育會，8場不敗走勢告終，一班球員條氣當然唔順啦，難得今仗返主場出擊，點都想贏波重振聲威。佢哋今場繼續有前鋒雲度路斯基參戰美洲金盃而唔踢得，不過出咗局嘅牙買加射手賴恩莊遜，就特登趕返回歸助陣，鋒力肯定會有所提升。




另邊廂嘅洛杉磯銀河走勢仲勁過地震，錄得9場不敗，可惜吖，銀河除咗首席射手當路雲為國披甲，後防重心李安納度又話有傷在身缺陣，陣容真係殘到喊，咪忘記碧咸上仗已因傷缺陣，即使賽前話佢可能會傷愈趕及披甲，但佢嘅狀態點都唔會好似之前咁弗，單天恐怕難保至尊。睇埋對賽成績，銀河對上4次作客地震錄得1和3負，今次殘陣出戰，憑咩復仇先？