紅鑽閉門催谷消滅黃蜂

魑魅魍魉

22/06/2011
文： 走肖

浦和紅鑽貴為07年亞冠盃冠軍，依家竟然淪落到喺日職護級，今晚佢哋喺主場對福岡黃蜂，賽前決定進行「異例2日連續非公開練習」，寧願得罪球迷都要專心備戰，教練施里積高柏杜域仲話會作出4個正選位置調動，擺明搏殺，要捧2.2倍「讓球主勝」。（now633及660台周三晚6:00直播）




紅鑽日前喺主場以1:3不敵心跳後，近9戰得5和4負，93年後首次連續9場聯賽不勝，結果教練施里積高柏杜域搵球員開危機會議，佢自己又畀社長橋本光夫同經理柱谷幸一捉咗去照肺，得出嘅結論係賽前連續兩日閉門練習，拒絕記者同球迷睇操練，希望專心贏番場至算。


福岡黃蜂11戰10負


由於翼鋒原口元氣要為日本踢奧運外圍賽，消息話施里積高柏杜域見隊波唔對路，今場會順勢作出4個正選位置調動，包括安排曾經長抖嘅中場山田直輝，今季首次打正選，為咗開W可以話不顧一切，撞啱對手福岡黃蜂升班後完全唔對路，聯賽踢11戰10負，任人魚肉點捧得落？