保斯邦恨再闖歐洲

魑魅魍魉

22/06/2011


山度士有唔少球員都去過歐洲搵食，除中場艾蘭奴、基利臣同隊長伊度達辛拿外，仲有一位廿二歲嘅保斯邦，呢位年輕中場曾効力英超曼聯同葡超布拉加，雖然喺巴西出世，但因父親有意大利血統，故佢亦有意國護照，仲曾經成為意大利小國腳。




保斯邦話自己喺英格蘭同葡萄牙嗰陣過得好開心。因此好希望可以透過呢場決賽表現自己，令佢可以再闖歐洲球壇，而佢最心儀嘅聯賽就係西甲同意甲。




講開去歐洲搵食，山度士兩位星級球員尼馬及甘素都就嚟成事，AC米蘭重新與甘素經理人傾過檔，尼馬就向皇家馬德里要求一份約八千四百萬港元年薪合約，皇馬方面就話要時間考慮。