贏錢心德：機員受禁藥困擾死晒火

猪拉多纳

12/06/2011
文： 走肖

人心惶惶，主W唔易開，哥倫布機員今晚喺美職主場對芝加哥火燄，賽前有後衞祖舒威廉斯因為違反禁藥條例，被重罰停賽10場，兼且扣10%年薪，備戰工作難免大受影響，對家火燄換完教頭冇耐，應該會繼續打爭氣波開「讓球客勝」。（開賽時間：周一凌晨4:00）


火燄新帥執靚條防線


機員傷兵名單原本已經有前鋒希利文、中場班拿度安羅、迪尼度卡、格費同奧洛基，翼鋒羅比羅渣士又要為美國出戰美洲金盃，點知守將祖舒威廉斯又被驗出服用美雄酮，藉以提升體能表現，結果被罰停賽10場，搞到機員可以調動嘅球員買少見少，就算上星期至結束連續5場不勝走勢亦信唔過。




另一方面，火燄都有中場班拿、後衞史堤芬堅尼同米古歷養緊傷，而中場馬高柏巴被危地馬拉國家隊徵召，不過佢哋已經換咗教練，臨時教頭高巴斯領軍兩場，先後以0:0賽和西雅圖海灣者同埋肯薩斯體育會，起碼執番掂個後防，有條件食住個勢繼續搶分，近8場聯賽有7勝1和捧得過。