巴拉圭敲響勝利羅鼓

魑魅魍魉

11/06/2011
文： 牛奶仔

巴拉圭今晚會同羅馬尼亞踢場熱身賽，後者自前領隊呈辭後一直群龍無首，仲要陣容不整，作客想擋住巴拉圭條星級鋒線似乎難過登天，一於捧1.45倍主勝。（開賽時間：周日凌晨4:00）


羅馬尼亞群龍無首


羅馬尼亞於6月4日大勝完波斯尼亞後，拉沙雲盧錫斯古突然辭去領隊職務，改由助教伊奧雲暫時領軍，群龍無首下事隔4日同巴西友賽負0:1實屬非戰之罪，不過今場有史堤芬拉度同尼古拉哥兩名喺意甲搵食嘅守將倦勤，國米後衞捷禾又宣布退出國家隊，條防線天殘地缺作客凶多吉少。




反觀巴拉圭連續2場對玻利維亞嘅熱身賽錄得1勝1和不敗，今晚雖有効力賓菲加嘅射手奧斯卡卡度素缺陣，但仲有多蒙特射手巴里奧斯同辛達告魯斯孭飛，鋒力絕對唔成問題，何況利華路斯、保羅達施華及艾卡拉斯3位喺歐洲搵食嘅中後防球員會繼續擔正，強陣出擊兼有主場之利，要擊退軍心不穩嘅羅馬尼亞絕冇難度。