哥斯達黎加搶頭彩揭幕戰搵古巴祭旗

猪拉多纳

05/06/2011


美洲金盃香港時間周一早上揭幕，先上演兩場A組賽事，頭場揭幕戰由哥斯達黎加對古巴，尾場由衞冕嘅墨西哥對薩爾瓦多。古巴係今屆賽事嘅超級魚腩，上屆冇份踢決賽周，再對上兩屆更加係一場都贏唔到，對住眾多外流球員歸隊嘅哥斯達黎加，輸多幾粒絕唔出奇，今仗一於捧哥斯達黎加「讓球主勝」，攞個頭彩先！ （now 634周一早上6時直播）




哥斯達黎加對今次賽事相當重視，今次徵召咗11位外流球員，當中包括布魯日後衞祖利亞戴亞斯，同埋荷甲川迪射手拜仁雷斯，人腳質素有保證，加上兩隊歷史上13次交手，哥斯達黎加從未輸過，取得11勝2和嘅壓倒性優勢，可見兩隊實力上有頗大距離。


兩隊實力差距大


古巴上屆美洲金盃並冇參戰，而07同05年嗰兩屆，佢哋都係喺分組賽包尾出局，07年嗰屆佢哋喺巴拿馬身上能夠和波搶到1分，已叫做好好成績，05年嗰屆就3戰盡墨包尾出局，可見呢隊波完全唔夠班，今次參賽純屬陪跑，志在吸收經驗！