優質法國兵作強援 瓜德羅普拒做魚腩

猪拉多纳

05/06/2011


相信唔少人都對中北美洲球隊瓜德羅普比較陌生，查實瓜德羅普係法國其中一個海外屬地，某程度上只能算係法國其中一個省。瓜德羅普有足球代表隊，但並唔係國際足協成員，所以喺FIFA官方網頁搵唔到呢隊波，佢哋亦只能夠參加由中北美洲及加勒比海足總（CONCACAF）舉辦嘅比賽。




好多有瓜德羅普血統嘅球員都會選擇代表主權國法國出席國際賽，好似亨利、杜林、加拿斯、施維斯達、沙夏同韋托特等都係源出瓜德羅普，因此瓜德羅普陣中可謂臥虎藏龍，絕非魚腩部隊。另外根據美洲金盃條例，如近5年冇代表過法國國家隊出賽，就可以為瓜德羅普出賽。反之即使代表過瓜德羅普，但就任何時間都可以踢法國隊。