法林明高細哨領軍有貨交

猪拉多纳

29/05/2011
文： ComboKing

歐洲各主要聯賽陸續收咧，阿King今次轉戰南美波，重心推介巴甲賽事，今季巴甲睇頭十足，法林明高最值得留意，球隊簽下巨星朗拿甸奴之後，表現果然有料到，首仗即大勝打響頭炮，今仗作客新升班嘅巴希亞，法林明高只係小讓平半，當然捧上盤。（周一凌晨3時開賽）




○九年巴甲冠軍法林明高上季成績大倒退，今季捲土重來，簽下「細哨」朗拿甸奴，令球隊人氣及實力都大增，上仗開鑼大勝艾華爾四比○， 「細哨」有入波兼助攻，功架十足。事實上，呢位三十一歲球星仍然屬當打之年，轉戰巴甲可謂超班，未踢都已先嚇窒對手。


巴希亞陣容不整冇得揮


巴希亞上仗輸畀另一支新升班球隊阿美利加明尼路，球隊有幾多斤両可想而知。巴希亞今仗陣容亦不整，會方向法林明高借用嘅門將馬些路隆巴及中場古靴美甘馬曹，受制於借用條款，唔可以倒戈，後衞真卡路士因傷倦勤，更加冇得同法林明高鬥。