和富大埔隨時「降班失敗」

猪拉多纳

主隊和富大埔上一輪已宣告護級失敗，但係隨着太陽飛馬唔知易主易成點，天行元朗同YFC澳滌下季點又未明朗，有無兩支港甲球隊升班亦係未知數，種種因素令和富大埔有機會「降班失敗」，為爭取包括足總挽留等各方支持，和富大埔今日踢場好波，有咩咁奇呀？
標流會方躁咗喎！

時近季尾，標準流浪接連傳出負面消息，一時被指刻薄球員扣薪住劏房、一時會長莫耀強插球隊現時管理架構不善、一時總監李輝立反指被針對；呢頭傳出會方躁咗唔再搞，嗰頭又話決定「一開二」搞巨型班同青春班各一，到咗尋晚仲話全部球員可以自由轉會添！今日賽後，淨係睇吓當事人有咩發表，都夠過癮！

時間：下午2:30

場地：大埔運動場

票價：$60、$20（特惠票）