綫路財星馬年首W

猪拉多纳

尋日甲午馬年賀歲賽，本地練馬師文家良匹「綫路財星」就先拔頭籌，贏到馬年第一W先攞個頭彩。
       
綫路財星（左）短頭力壓大熱門錦繡河山，巫斯義發揮出色。
文家良多謝獸醫

良哥賽後話「綫路財星」初初轉去佢度嗰陣，喉嚨容易敏感，令氣管內壁經常有痰，致操練工夫反覆啲，用咗唔少日子將呢個問題搞掂，良哥特別多謝獸醫。
       
文家良贏綫路財星取得馬年第一Ｗ，興奮地振臂歡呼。

健康搞妥之後安排匹馬試咗兩課閘，其實走勢已經幾好，不過諗都諗唔到匹馬可以咁快打開勝門，當然呢場勝仗亦要歸功巫斯義嘅出色發揮，三歲香港拍賣馬可以咁快攞到頭馬，前途無可限量。