些路迪主宰流浪

猪拉多纳

28/12/2011
文： 蘇豪

蘇超今輪上演格拉斯哥市打吡戰兼榜首對決，些路迪主場對格拉斯哥流浪。些路迪於聯賽錄得八連勝，氣勢一時無兩，流浪上場輸波仲要畀人打窒道氣，今仗受讓都冇用，蘇豪一於捧主勝！（now 638周四凌晨3時45分直播）




些路迪季初表現較為飄忽，一度被死敵格拉斯哥流浪大幅拋離，不過大軍踢到十一月終於開始回復水準，成功喺聯賽連贏八場，唔經唔覺已經追到落後流浪一分，今仗若能戰勝對手更可殺上榜首。些路迪攻擊主力森馬拉斯、史杜基斯同加利賀柏輪住發威，前線進攻選擇多，令對手防不勝防。


流浪新敗士氣差


作客嘅格拉斯哥流浪近況一般，上場造訪聖美倫先贏後輸，比賽期間更有兩人被逐，其中麥高洛治提出上訴，所以可於今仗上陣，不過球隊士氣欠佳，今次作客出戰難免處下風。流浪近三場聯賽作客兩度落敗，反映大軍客場演出走樣，雖然隊中唔少球員話有信心頂住些路迪，但予人信心唔大。




睇番今場盤口，兩支蘇超頂級勁旅碰頭，些路迪足足要讓半球，主勝賠率明顯被壓低，似乎莊家都對佢哋甚具信心，主勝跟得過！