阿伯主場不敗扑錘

猪拉多纳

26/12/2011
文： 麥馬拿仁

拆禮物日快車又殺到，英冠十二場要（目及）實伯明翰主場鬥韋斯咸。伯軍本季主場惡到極，本季英冠主場六勝三和未輸過，加上面對舊班主蘇利雲同高特，戰意必提升；韋斯咸傷兵極多，已影響到近期戰績，平手盤必捧伯明翰！（now 638周二凌晨1時30分直播）


韋斯咸殘陣跌Watt


兩支前英超軍團於英冠相遇，韋斯咸肯定頭痕過對手。「錘仔幫」雲斯頓列特、賓尼、森巴鐸克都肯定缺陣，大舊佬中鋒卡維上仗受傷，今仗上陣成疑，十號仔哥利臣亦續坐波監。雖然路蘭、卡頓高爾、麥克盧保等出得，但球隊人腳調動好緊絀，近兩周球隊都須地莊出戰，唔攰就假。睇番「錘仔幫」近期戰績，曾主場不敵般尼，上次作客雷丁更吞三蛋，今次面對伯明翰，難也文也武。




「阿伯」伯明翰現時排十四，本季兼顧歐戰係成績一般主因，現時歐霸出局，球隊上下可全力爭升班。伯軍主場極惡，本季連歐霸、英足盃，十三場只輸過畀布拉加，不敗率過九成，只計聯賽更未輸過。雖然今仗有前鋒包爾斯亞缺陣，但面對前班主蘇利雲同高特，相信戰意必有提升。二人一直被視為球隊○八年降班罪魁，相信今戰球迷必更加落力打氣，主場平手盤，點可以唔撐伯明翰！