樸茨茅夫拆禮物好手細

猪拉多纳

26/12/2011
文： Combo King

拆禮物日開快車係英國足球慣性傳統，阿King今日當然有好嘢益大家，英冠米禾爾主場鬥樸茨茅夫，主隊近期進攻死晒火，客軍作客又常打守勢波，預料今仗入波唔會多，1.59倍細咪嫌少。（周一晚9時開賽）




米禾爾今季踢咗二十二輪聯賽僅入二十三球，攻力已經唔突出，加上佢哋近期連續三場冇波入，信心進一步受挫。樸茨茅夫作客成績唔算叻，不過勝在有自知之明，每逢作客都會先求穩守，就算輸波都甚少大敗，睇番佢哋對上七場作客有六場開細，今場交收應該唔會多，細盤1.59倍雖然偏熱，但勝在穩陣，最啱用作過關變倍器。


李城返主場強攻葉士域治


另外兩關同屬英冠賽事，李斯特城主場鬥葉士域治，李斯特城近三場不勝，今返主場一定搏盡，陣中紐根特、保羅加拉查、碧福特都係擅射之人，面對近五場作客失咗十六球嘅葉士域治，捧大啱數。最後打比郡主場對列斯聯，列斯聯兩場不勝狀態回落，打比郡近五次對賽全勝，有格食格味道，主場受讓可捧。