紅魔小將細盤受昆

猪拉多纳

18/12/2011
文： 蘇豪

英超頭場昆士柏流浪主場對曼聯，紅魔鬼上場大炒狼隊反彈，但球隊傷兵滿營，隨時要用小將保羅普巴頂檔，作客讓波好牙煙。昆士柏流浪主場夠硬淨，有力頂住對手，今場博入球細。（有線200及300台周日晚8時直播）




曼聯近期受傷兵問題困擾，十字軍包括查維亞靴南迪斯、路爾斯安達臣、湯卡華利及尼曼查維迪等，中場主力費查患上潰瘍性結腸炎無限期退出球壇，令中場兵源買少見少，主帥費格遜死撐話唔使買人，但今場可能要用小將保羅普巴，即使射手貝碧托夫傷愈可候命，個陣仍然好殘。


昆士柏主場守得


另一邊廂昆士柏流浪今季聯賽主場七戰贏一場，但對手係爭標分子車路士，表現出色。昆軍近六場主場聯賽五次開出細盤，攻力一般，勝在守得，今次專心打守勢波，有力頂住紅魔鬼，一於要細盤。