鹿角弱「細」難炒不死鳥

猪拉多纳

17/12/2011
文： 走肖

日本天皇盃16強今日開打，上屆冠軍鹿島鹿角（上圖紅衫）喺中立場香川丸龜競技場對京都不死鳥，未必撻得着，原因除咗鹿角射手田代有三受傷肯定缺陣外，仲因為佢哋嘅教練奧利華拉怕輻射選擇離隊，士氣受損唔似多波入，咁嘅情況買入球細比較穩陣。（開賽時間：周六中午12:00）


射手打柴 教頭唔撈


上季被外借至山形山神嘅田代有三，今季回歸鹿角交足貨，聯賽加盃賽攻入14球，可惜日職收咧後佢要接受手術根治傷勢，估計要休息6個星期，天皇盃基本上唔使預佢。仲有呀，帶領鹿角拎到3次日職冠軍、2次天皇盃冠軍同1次日聯盃冠軍嘅奧利華拉，經已決定教埋今季算數，試問鹿角士氣點會好？




東瀛傳媒話，奧利華拉離隊係因為家人擔心，怕長居日本會受輻射影響健康，同時又驚再有大型餘震，加上中超、中東球會等住用雙倍年薪挖角，咁梗係速閃啦，撞啱不死鳥臨近季尾喺日乙翻生，連盃賽近10場有9勝1負，依家此消彼長，不死鳥絕對唔會任數，有得打唔似大手交易，一於博2倍入球細。


天皇盃賽制


本輪為第4圈賽事，假設兩隊90分鐘內打成平手，需加時再決勝負（加時分上、下半場，各15分鐘）。若果加時仍未分出勝負，則互射12碼決勝負。