蒙彼利埃主場起筷

猪拉多纳

17/12/2011
文： SAMVO肥叔

歐聯同歐霸盃分組賽打完，一切已經塵埃落定，歐洲列強可以暫時專注應付聯賽。踏入十二月係傳統賭波季節，各隊都要開始發力，爭標分子踩油爭冠，護級球隊搶分保級，各有各目標，大家意向明確，條數都易計啲。




講番今次重心推介，法甲榜首球隊蒙彼利埃勢頭好，主場對圖盧茲贏得！蒙彼利埃上季踢得唔錯，肥叔一直有跟開呢班波，今季球隊表現更進一步，目前位列法甲首位，戰績相當對辦，能否奪冠仲係言之尚早，但絕對有權爭取歐聯參賽席位。蒙彼利埃主要靠主場搶分，今次對圖盧茲讓半球至半一，盤口啱晒胃口，又係起筷時候！




（周日凌晨2時開賽）


狼隊恰到史篤城


同日英超賽事狼隊主場對史篤城，捧主隊！狼隊排名雖然較低，但呢班波主場戰鬥力唔曳，早前主場對同級對手韋根及新特蘭都成功贏波，搏殺成功率甚高，呢類球隊質素唔高，勝在鬥心強，絕對不容忽視。史篤城本身作客唔多掂，加上剛踢完歐霸盃，體力點計都輸蝕，今次受讓都信唔過。




（有線201及301台周六晚11時直播）




此外，愛華頓主場對諾域治，愛華頓攻力麻麻，冇乜強攻本錢，今場對住升班馬諾域治無甚優勢，預計交投會較為淡靜，要細盤。（有線204及304台周六晚11時直播）

肥叔心水

哈化柏林下盤

禾夫斯堡平手盤、大盤

愛華頓細盤

狼隊上盤

希杭上盤

蒙彼利埃上盤