費倫阿特蘭大演入球騷

猪拉多纳

17/12/2011
文： 山度士

今日度士轉吓口味講意甲，直播賽事費倫天拿主場鬥阿特蘭大，入球大係心水選擇。阿特蘭大今季演出可人，如非假波事件被扣六分，聯賽排名更高，費倫天拿主場成績係唔錯，但面對呢支奇兵似乎亦冇必勝把握，唯一肯定係兩軍都有一定入球能力，相信今場入波唔會少。




（now 633及660周日凌晨3時45分直播）




兩軍目前於聯賽榜同得十六分，但要留意阿特蘭大因為假波事件今季被扣六分，如果冇扣分，阿特蘭大應該壓過巴勒莫同國際米蘭等打入前五名。




費倫天拿近四場主場贏三場，不過上次如非羅馬於比賽初段有球員被逐，佢哋未必可以贏得咁輕鬆，另外兩場贏波對手分別係低組別嘅安玻里及今非昔比嘅熱拿亞，表現亦未算太有說服力，所以今場係可勝不穩格局。


基拿甸奴丹尼斯鬥數胡


費倫前鋒基拿甸奴為爭取入選國家隊出戰明年歐國盃，近期比賽都好落力，至於阿特蘭大首席射手丹尼斯今季狀態亦好弗，至今已經入咗十個聯賽入球，當中有六球更係喺客場取得，既然兩軍都有當家射手壓陣，今場隨時上演入球騷，捧大好路。




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。