球星親民獨韋拿黑面

猪拉多纳

15/12/2011


巴塞球員經過禮拜一放假後，連續兩日練波態度明顯認真得多，為咗唔想球員被騷擾，球場保安亦比之前嚴密，球迷如果想近距離接觸偶像惟有留在酒店門外守候。


失正選 傳離隊


能被稱為「地上最強」球隊，巴塞嚟到日本自然受到球迷熱烈歡迎，連日來有唔少球迷聚集在巴塞酒店門外高唱球會會歌，希望一睹偶像風采，一班球星亦非常識做，經過球迷聚集之處都會停步幫球迷簽名，盡量滿足球迷要求，不過唔知係咪受到轉會傳聞影響，前鋒韋拿似乎心情麻麻，完全冇停步直行直過。據西班牙傳媒報道，由於教練哥迪奧拿近期重用阿歷斯山齊士，巴塞有可能於明年一月放走韋拿。