富咸「主主」過關埋「丹」

猪拉多纳

14/12/2011
文： KIT

歐霸盃分組賽嚟到最後一輪，投X前真係要以各隊戰意行先，好似英超嘅富咸咁，佢哋由外圍賽到依家都係強陣出擊，誠意十足，今晚佢哋主場迎戰丹麥球隊奧丹斯，博1.47倍「主主」啦！（有線61及201周四凌晨4:05直播）

奧丹斯篤定出局未夠班

好多人都話曼聯降格踢歐霸盃會Hea踢等出局，不過小妹就唔係咁睇，始終紅魔喺英超冇冠軍相、足總盃第三圈要惡鬥曼城、聯賽盃又出埋局，如果連歐霸盃都唔要，真係分分鐘四大皆空！另邊廂嘅曼城一早講明要盡攬錦標，加埋史浩克同馬體會等名牌，今屆歐霸盃肯定超激！


講番富咸，佢哋家陣喺K組出線形勢大好，今晚只要贏波即晉級，目標夠晒清晰！係，富咸雖然上仗輸畀史雲斯，但若果唔係丹普西擺烏龍繼而射失12碼，富咸又點會輸波？咪忘記呢支倫敦勁旅上周先贏完利物浦，狀態同實力都冇問題，領隊祖爾為免夜長夢多，一定會落柯打搶攻以確保領先優勢。更何況對手奧丹斯係包尾大幡篤定出局，上次主場都要由頭輸到尾，今鋪點計都冇力做攔路虎，一於穩穩陣陣捧富咸主主啦！