傻豹有飛到找切塞納晦氣

猪拉多纳

10/12/2011
文： Richard Welbing

周日凌晨有四場意甲舉行，其中一場由「傻豹」巴勒莫主場對切塞納。上季巴勒莫喺主場就同切塞納打和二比二，惟當中疑點重重，唔少操盤手睇過賽事片段後都話賽果不能作準。但點講都好，巴勒莫一定心有不甘，今場誓必拚個明白。巴勒莫「齋W」低至1.58倍可謂盡顯信心，今場可以輕取對手，建議投X者揀選賠率較高嘅「讓球主勝」。（周日凌晨3時45分開賽）




雙方最近一次對賽可謂相當具戲劇性，巴勒莫喺上半場已經領先兩粒，隨後切塞納於七十四及七十七分鐘連食兩張紅牌，九人應戰下仍能於補時第三及第六分鐘取得入球，奇迹追和二比二。巴勒莫球員對當日痛失兩分大嘆不值，好希望藉今場比賽討回公道。其實從數據方面對巴勒莫有一定支持，今季聯賽六次主場全勝，本周遇到弱隊可延續佳績。


切軍新帥蜜月期已過


切塞納換帥之後的確有改善，聯賽連勝博洛尼亞及熱拿亞，盃賽再以三蛋輕取古比奧。




但所謂「新帥效應」已於上周畀祖雲達斯所打破，教練丹尼爾阿里戈尼與切塞納嘅蜜月期已經告終。切塞納某程度已打回原形，今場不敵巴勒莫好正常。