西布朗實食冇黐牙

猪拉多纳

10/12/2011
文： SAMVO肥叔

曼聯爆冷於歐聯出局，好多人都跌眼鏡，唔少散客損手爛腳，不過喺班大戶眼中，「紅魔鬼」出局實屬意料中事，佢哋一早買定巴素利下盤，走地曼聯落後時巴素利受讓一球，班大鱷再追下盤同大盤，條數計到好準，完全贏到盡，真係冇得傾，可憐普羅大眾做晒豬仔！




曼市雙雄同樣於歐聯出局，令歐聯失色不少，難免流失咗一班英超粉絲。兩支名牌球隊轉戰歐霸盃，最大受益係歐霸盃主辦單位，呢個比賽以往只係雞肋，依家突然多咗名牌球隊參賽，收視肯定大幅提升。兩個歐洲賽事拉勻咗，一得一失，各自各精彩，唔會好似以前畀歐聯獨大。




言歸正傳，今日重心場次係英超賽事西布朗主場對韋根，要主隊！西布朗近期戰績麻麻，但要留意一點，佢哋多場敗仗都係面對實力分子，輸波冇計，戰績參考價值唔大。西布朗本身具備英超中游球隊級數，反觀韋根愈踢愈曳，作客難搶分，捧主隊！（有線63台周六晚11時直播）


科隆讓得起弗賴堡


同日德甲賽事科隆主場對弗賴堡，又係揀主隊！科隆只係德甲中下游球隊，但主場搏殺準繩度高，呢班波主場甚具惡氣，今次對同級球隊讓平半合理，上盤有計。另外，是日重頭戲皇馬主場鬥巴塞，皇馬班波執好咗，依家當起個勢好啲，今次讓波飛數硬淨，上盤亦可留意。


肥叔心水


科隆 上盤




保頓 上盤

紐卡素 平手盤

西布朗 上盤

錫耶納 上盤

皇家馬德里 上盤