杜奧巴撐保亞斯望洗底

猪拉多纳

06/12/2011


盛傳被列入清洗名單嘅車路士射手杜奧巴，上仗對紐卡素射入一球，似乎想向外界證明佢仍有能力喺英超立足，佢賽前替備受壓力嘅領隊保亞斯講好說話，話所有球員都同保亞斯企喺同一陣線。




杜奧巴表示：「車路士早前陷入低潮，故上場擊敗紐卡素對我哋嚟講非常重要，我感覺球隊狀態返晒嚟，我知道領隊保亞斯承受好大壓力，但唔好忘記今季只係佢首季執教英超，我哋全體球員都好支持佢，我有信心今場可擊敗華倫西亞進身十六強。」


安歷卡暗示離隊


至於杜奧巴嘅隊友安歷卡，則喺自己網站暗示即將離隊，話知道自己明年一月二日會喺邊度，盛傳三十二歲嘅安歷卡目前正同美職球會、中超上海申花斟介，據悉利物浦亦有意簽佢回巢。