拉素路華拿焗住做「細」界

猪拉多纳

05/12/2011
文： 走肖

年紀大、機械壞，拉素今晚喺意甲主場對路華拿，依然要靠33歲舊式轟炸機高路斯數胡，入波唔慌多，特別係同樣傷兵滿營嘅路華拿，今場有當旺前鋒馬治奧尼利停賽，睇情況兩隊都好難谷得起，一於玩1.9倍入球細。（開賽時間：周二凌晨3:45）


路華拿當弗箭頭停賽


高路斯今季離開拜仁加盟拉素，表現其實唔曳，弊在佢成日受傷，搞到拉素前線間歇性死火。雖然高路斯已經好番，但暫時似乎未有100%比賽狀態，而且拉素有包括前鋒馬堅華、中場布洛治、莫利、馬度沙林同高隆克在內嘅球員養傷，賽程頻密相當蝕底，連續3場冇波入證明火力下降。




對家路華拿聯賽2連勝反彈，原本唔可以睇小，可惜上星期對卡坦尼亞梅開二度嘅前鋒馬治奧尼利，呢場要聯同後衞贊米迪坐波監，加上日本國腳森本貴幸未好番，前線火力所餘無幾，既然兩隊都係傷兵成籮，照常理應該唔會立亂硬碰，否則再有球員受傷就大鑊，勒住踢寧願玩入球細。