海外莊家器重博洛尼亞

猪拉多纳

04/12/2011
文： RICHARD WELBING

博洛尼亞曾經係意甲實力分子，但近半個世紀幾乎跌入萬劫深淵。而且近幾年管理層經常變動，令到營運出現好大問題，嚴重阻礙球隊發展。而幾度易手之後，今季博洛尼亞漸見穩定，相信球隊好快就會交番出成績。今晚博洛尼亞主場對錫耶納，預期博洛尼亞有望喺同級球隊身上取勝，推介主Ｗ。




（周日晚10時開賽）




博洛尼亞仍然有降班危機，搶分鬥志唔使懷疑，留意到今場對錫耶納嘅比賽，博隊頗受海外操盤手所留意。比如BestBet、Boyle、Jetbull，賽前都有調低主Ｗ賠率，更有海外菠菜公司將主Ｗ壓到落2.1倍。留意到當地消息，博洛尼亞具一定級數前鋒迪華奧及迪亞文迪都可如期上陣，呢點對於球隊爭取好成績必有幫助。尤其迪華奧已重拾射門鞋，相信往後時間會有更佳發揮。


錫耶納前鋒作客腳軟


錫耶納係其中一支聯賽作客未勝球隊，今輪到訪博洛尼亞當然唔睇好。另外有一個數據要留意，就係錫耶納一對主力射手卡拿奧及迪斯度，至今合共所取得嘅八個聯賽入球，只有一個喺客場取得，可知呢班波仍未能克服作客問題，今晚能否威脅到博洛尼亞大門好成疑問。