祖雲達斯切塞勝在專心

猪拉多纳

04/12/2011
文： ComboKing

人往往想魚與熊掌兼得，但現實又有幾多人做得到，阿King多年來睇住好多球隊因為兼顧歐洲賽，搞到聯賽一塌糊塗，兩頭唔到岸，反觀專心攻打一項賽事，通常可獲佳績，祖雲達斯今季冇份踢歐洲賽，重現意甲爭標希望，佢哋今晚主場對魚腩切塞納，大捷可期，捧「讓球主勝」。（周日晚10時開賽）


馬治斯奧復出炒起切塞納


　祖記今季聯賽仍不敗，除咗因為專心踢好意甲之外，亦要多得季前大事增兵，尤其係鋒線人才濟濟，教練干地有時甚至排出四二四陣式，希望充分利用進攻人才。正因為鋒線位置競爭激烈，有得上陣都搏老命，最佳例子係柏比，佢一向以技術粗糙、埋門把握力差見稱，但為保飯碗，都要自強不息，近期大爆發，連續三場聯賽有波入，證明有競爭才有進步。


串卡坦尼亞贏基爾禾細


另一個好消息係中場馬治斯奧坐完波監復出，佢今季腳風奇順，已有五球進帳，有佢助陣球隊火力更強。雖然派路今場停賽，但缺少呢位老將，反而有利球隊提升行軍速度，攻勢隨時更猛烈，並非切塞納可以抵擋。




至於頭場卡坦尼亞主場對卡利亞里，亦值得留意，卡坦尼亞「小島威力」今季已令祖記、國米及拿玻里失分而回，而且佢哋過去四次主場對卡利亞里，都順利贏波，今仗三分穩袋。另外，基爾禾主場對阿特蘭大，雙方近五次聯賽交手都開細，值得再追。