巴塞皇馬國家打吡前盡數

猪拉多纳

03/12/2011
文： 山度士

西甲雙雄在國家打吡戰前分途出擊，巴塞隆拿會在主場迎戰利雲特，而皇家馬德里就要作客對希杭。今季嘅國家打吡戰，好可能係近季最激烈嘅一次，所以度士認為兩軍都會嚴陣以待，並且趁今輪賽事谷盡狀態迎戰，因此兩場都大炒味濃！




先講巴塞，巴塞周中閃電還魂，四比○輕取華歷簡奴，證明「地上最強」始終都係「地上最強」，一時失手好快就可以重返正軌。事實上巴塞在魯營出擊就係Ｑ嘜保證，聯賽七勝一和，而七場勝仗中全部都贏三球或以上，且仍未試過失波。雖然今場有碧基停賽，但估計教練哥迪奧拿都會要球隊去盡將狀態谷至頂點，然後周中歐聯先留力，料利雲特難以招架，大炒味相當濃厚。




（now 632周日凌晨3時直播）


莫帥唔會放過仇家


至於皇馬方面，度士更睇好佢哋可以大炒，事關希杭教練列保尼杜一向都係莫連奴眼中釘，兩人牙齒印甚深，「寸王」見球隊狀態弗，又點會放過仇家。




事實上皇馬已經連贏十三場，要阻止「銀河艦隊」前進，可能真係只有巴塞先有機會做到，更何況希杭今季大倒退，要頂住皇馬可謂天方夜譚，相信「艦隊」又會再為球迷獻上入球騷。（now 632周日凌晨1時直播）




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。