曼聯當黑作客難贏維拉

猪拉多纳

03/12/2011
文： 張志德

就算係勁旅，球季流流長表現都必定會有高低，運氣亦唔會長期喺你嗰邊，現時曼聯就明顯行緊衰運。自十月輸畀曼城六個一皮後，紅魔鬼即時冇晒霸氣，近三場喺主場90分鐘全部和晒，英聯盃仲畀水晶宮踢出局。今晚作客阿士東維拉，亦好有機會失分。（有線200及300台周日凌晨1時30分直播）




曼聯英聯盃八強止步，都可以賴對水晶宮一戰出後備應戰，但之前兩場英超鬥紐卡素同歐聯對賓菲加，紅魔鬼腳風都唔順。曼聯季初有朗尼、艾舒利楊格齊齊發威，但最近都跌晒Watt，只有查維亞靴南迪斯一個支撐大局，戰鬥力大減。事實上，依家曼聯雖不致於暮氣沉沉，但踢落綁手綁腳，作客讓波擇使。


有歐聯後顧之憂


此外，曼聯有歐聯後顧，今場戰意更加成疑。目前紅魔鬼於歐聯排次席，下周中要作客巴素利，如果輸波就出局。雖然巴軍實力唔強，但目前曼聯非在最高狀態，都咪話冇壓力，今場分分鐘勒住勒住。




阿士東維拉今季由麥利殊執教，球隊踢法非常英式，球員硬淨有鬥志，本季主場聯賽六戰只輸一場，今次鬥強敵戰意有保證，讓球主勝要得過。另外，預計今場戰情非常膠着，入波唔會多，吼埋細盤。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。