AZ行貨讓唔起馬模

猪拉多纳

30/11/2011
文： SAMVO肥叔

今個周中由盃賽做主打，其中英聯盃有場強弱懸殊之戰，曼聯主場對水晶宮，牌面睇「紅魔鬼」絕對唔只超一班，水晶宮越級挑戰難望爆冷，不過「紅魔鬼」慣性於盃仔場合重用小兵，今次讓球半、兩球要小心，上盤捧唔過，考慮到水晶宮都會搏命，預計呢場會有唔少入波，大盤值得留意。


講番今次重心推介，歐霸盃G組賽事瑞典球隊馬模主場對荷蘭大軍阿爾克馬爾（ＡＺ），捧主隊！阿爾克馬爾目前於荷甲穩佔榜首，呢班波近年都以聯賽冠軍為目標，歐霸盃只屬雞肋，佢哋未必會認真對待，今次作客讓到一球、球半，實在唔多抵玩。馬模分組賽四戰全敗，級數明顯較低，但仲想挽回面子，今次主場出擊唔會坐以待斃，受讓可秤先。


（周四凌晨2時開賽）