緬恩斯攤凍晒拜仁起筷

猪拉多纳

27/11/2011
文： 自由恒

近期德甲球壇其中一單焦點新聞，就係有球證喺賽前自尋短見，搞到上周科隆主場對緬恩斯被迫延期，結果久疏戰陣嘅科隆昨晨就吞咗慕遜加柏3蛋，至於同受影響嘅緬恩斯今晚就喺主場迎戰班霸拜仁慕尼黑，1.88「讓球客勝」屬信心之選。（有線61、64、201及204周一凌晨0:30直播）


上輪延期足足3周冇比賽


雖然話就話只係一周賽事延期，但由於早前上演國際賽關係，緬恩斯其實已經有3周冇正式比賽，如果事件喺季尾發生，或者仲稱得上以逸待勞，不過喺季中階段就似乎攤到凍晒。事實上緬恩斯今季無復上季之勇，啱啱先至終止9場聯賽不勝走勢，狀態好極有限。




對家拜仁早前曾一度保持12場不失紀錄，當時仲以為佢哋攞硬冬季冠軍，點知近況略為滑落，就即刻榜首不保，好彩佢哋火力未減，馬里奧高美斯同埋列貝利輪流取得入球，面對有中場波蘭斯基停賽嘅緬恩斯，拜仁唔難淨勝兩球。




足球重心：拜仁慕尼黑（讓球客勝）




馬膽推介：1場3 超級精神




之前面對有經驗嘅年長馬匹都有極接近表現，今仗喺條件賽面對同齡對手，單係兩戰1400米嘅經驗都已經足以玩敵。