車路士發憤屠狼

猪拉多纳

26/11/2011
文： 車車

周中嗰輪歐聯後，幾隊英超強隊包括曼聯、曼城同車路士都仲係要繼續為出線資格努力，四隊中只有阿仙奴可以提早晉級無憂。




咁多隊裏面，剛啱畀利華古遜反勝嘅車路士就麻煩少少喇，英超冠軍相冇乜，踢歐聯隨時變成陪襯品。仲記得季初保亞斯上「車」時，啲人吹佢係「莫連奴二世」好似過譽咗。但今晚返到聯賽，已經被拋出三甲嘅車仔一定急於要贏番場，狼隊仲妄想揚威史丹福橋球場，確係好似「螳臂當車」。




（有線201及301台周六晚11時直播）


狼隊作客無力招架


車仔主場連環輸畀宿敵阿仙奴同利物浦，歐聯作客又輸埋畀利華古遜，一眾車迷開始不滿保亞斯。唔理係運氣唔夠，定係球員唔夠集中都好，保亞斯再唔力挽狂瀾，就真係可以執定包袱。




之前唔輸都輸咗咯，今晚就要捲土重來，尤其係今場有主場兼呢隻係「無力狼」添，係吐烏氣良機。對手狼隊真係唔多掂，今季到依家踢咗十二場波只係贏得三場，近四場作客仲輸晒添，似乎都擺脫唔到係季尾護級分子嘅厄運。再睇埋近六次雙方交手，車路士贏五場，所以就算架車點殘都好，始終都有番咁上下斤両，呢場贏兩粒絕對無問題。




車車推介：車路士 讓球勝

「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。

phone波熱線：1831 678

電郵：soccer64@cabletv.com.hk

「超級星期六」開放時間：晚上10:00至凌晨3:30