中央陸軍凍瓜里爾

猪拉多纳

22/11/2011
文： 巨高

歐聯B組兩場比賽，早場為莫斯科中央陸軍主場對里爾（有線61及201台周三凌晨1時直播），而同組另一場係特拉布宗主場對國際米蘭（周三凌晨3時45分開賽）。現時此組出線形勢未算明朗，唯一可肯定係榜首國際米蘭，今場擊敗特拉布宗就一定以首名資格晉級十六強。至於另一個出線席位及歐霸盃資格，相信要鍊到最後一場先知道。


國米傷兵多難贏特拉布宗


首先講吓頭場莫斯科中央陸軍主場對里爾，今場比賽會安排喺莫斯科盧茲歷基球場舉行。莫斯科中央陸軍佔得地利之助，攝氏零下六度點都會對佢哋有幫助。再講，里爾今季表現明顯唔及上季咁醒神，近期又交唔到好成績，今場取分機會一般。中央陸軍「齋W」超過2倍值得一試。




同組另一場由特拉布宗主場對國際米蘭，牌面上國際米蘭當然較高，但因球隊踢完四場分組賽已領先第二位嘅中央陸軍及特拉布宗四分，其實今場搶分壓力唔大，冇必要同特拉布宗鬥攻。另一方面，國米傷兵情況頗為嚴重，主力球員史奈達及盧斯奧缺陣，左右兩閘馬爾干及長友佑都仍未康復。加埋中場蒙達利、門將維維安奴等等，國際米蘭可調配嘅人腳唔多，對發揮必有影響。




特拉布宗喺分組賽首循環已經贏過國際米蘭，或有人覺得上次特拉布宗贏得「符碌」，但無論如何都係一場勝利，賽果有助提升球員自信心。今場開出平手盤，主隊高水可留意，另外「讓球主勝」都可以考慮。