拜仁壞偈炒唔起潛艇

猪拉多纳

22/11/2011
文： 法比加輝

歐聯A組賽事，德甲拜仁慕尼黑主場對西甲維拉利爾。隨着攻擊核心舒恩韋史迪加受傷之後，拜仁狀態亦隨之而回落，上輪聯賽更於主場不敵多蒙特，因而被對手拉近分差。反觀「黃色潛艇」近況有好轉，近四場有三次保不敗，逐漸走出黑暗歲月。加輝認為拜仁頂盡都係小勝格，建議自製球半下盤，均注捧晒「讓球和」及「讓球客勝」。（有線62及202台周三凌晨3時45分直播）




相比起季初嘅凌厲走勢，拜仁近期的確有所轉弱，前兩場面對拿玻里及實力平平嘅奧格斯堡，只能驚險僅贏一球，到上場德甲大戰，更於主場一球不敵多蒙特盡失三分，可謂阻滯重重。拜仁下滑，加輝認為多少因為少咗因傷缺陣嘅「小豬」坐鎮，冇咗呢位進攻命脈，踢落真係冇咁順暢。另外拜仁今場亦有中堅畢斯杜巴停賽，謝路美保定拍雲拜頓唔見穩陣。


自製球半下盤有着數


雖然維拉利爾亦續有「雙煞」基奧斯比羅斯及尼爾馬缺陣，但加輝認為「潛艇」似乎已陸續適應缺少兩人嘅日子，近四戰兩勝一和一負，而近兩場更加保持清白之身，防守大有改善。教練加列度賽前透露，球隊唔會因為冇分而放棄，因為「潛艇」仲有希望攞第三參戰歐霸。加輝認為拜仁近況唔順好難大勝，「讓球和」有4.75倍、「讓球客勝」更有5.75倍，買晒兩瓣唔輸超過一球都有錢收。