札幌爭升班唔放過草津

猪拉多纳

20/11/2011
文： 九叔



草津溫泉Vs札幌岡薩多


由於FC東京已經夠分升上日職，日乙只剩低兩個升班席位，由鳥棲、札幌同德島3隊爭，畀德島追到氣咳嘅札幌岡薩多，今日作客草津溫泉一定要贏至得，1.95倍客W不妨一博。（開賽時間：周日中午12:00）


夫添出擊往績贏條街


尋日德島漩渦2:1鋤低湘南比馬，札幌今日去到草津，就真係1分都不能少，尤其是佢哋响12月3號嗰場聯賽收爐戰對住FC東京，雖然係主場出擊，但都未必食得住超班嘅東京，何況札幌開始落大雪，佢哋個主場白之戀人足球場出現成15厘米厚雪，依家都冇法子練波，遲吓九成要封場，對東京場波好大機會要改去室蘭玩，地利點都打折扣，所以季尾幾場波，札幌都要當決賽咁踢。




除咗決心大，札幌今日係有條件攞晒3分嘅，首先由往績去講，佢哋9次作客草津，取得6勝2和1負，輸嗰場已經係4年前嘅事，更重要係札幌可以夫添出擊。




而且草津迄今35場聯賽失咗49球，今場對住如狼似虎嘅札幌，輸波係最正常不過嘅事，足智彩敢開個客W咁熱，唔會冇道理嘅。