莫迪賽前捧盃 熱都要捧

猪拉多纳

20/11/2011
文： 渡邊年

睇波球迷好多都會食消夜，渡邊年其中一個選擇係飲夜茶，經常幫襯土瓜灣譚公道一間地道風味嘅飯店，專賣點心同盅頭飯，開夜晚十點，下晝兩三點收工，好多夜晚開工嘅人，尤其係的士大佬都會幫襯。




點心都算應有盡有，蝦餃、燒賣、牛肉球、雞紮、鴨腳紮、鮮竹卷、雞絲粉卷、棉花雞、鳳爪、排骨、粉果、腸粉、蘿蔔糕、咖喱魷魚、牛栢葉、馬拉糕、春卷、鹹水角、糯米雞都有，全部都係十蚊有交易，而且蒸得少去貨快，成日都keep住新鮮出籠。最精彩莫過於盅頭飯，全部用瓦盅原盅蒸，臘腸雞、北菇雞、梅菜肉餅、鳳爪排骨任君選擇，十五蚊一盅算係抵食。


樣樣好味心水滿瀉


風味小店使錢唔多，樣樣好食，樣樣都係心水。今日挪超一樣係心水滿瀉，莫迪主場對薩普斯堡賽前頒冠軍獎盃，首循環莫迪作客輸過，今場仲輸咪好冇面，「讓球主勝」熱都要揀；白蘭恩、奧特格寧蘭同維京主W同啲點心一樣要趁熱食，仲有史達比克對侯格辛特旺細同半場和，雙投搵番餐。