祖雲達斯勢破傻豹宿命

猪拉多纳

20/11/2011
文： ComboKing

祖雲達斯喺暑期作大量投資，今季擺到明要爭聯賽冠軍。呢類鬥志鮮明球隊，長捧肯定實冇衰，今輪聯賽祖雲達斯於主場鬥巴勒莫，以「斑馬兵團」龐大陣容，今場可以輕鬆姿態砌低對手，捧「讓球主勝」。（周日晚10時開賽）




基於意大利水災關係，上輪祖雲達斯作客拿玻里嘅比賽宣布取消，咁啱又隔咗個國際賽期，所以祖雲達斯接近二十日冇進行過正式比賽，部分非國腳球員得到充足時間休息，國際賽對佢哋影響自然減到最低。雖然巴勒莫近三次作客祖雲達斯都勝出，但客隊今次好難延續佳績，第一點要留意係祖雲達斯今季用新球場作賽，其次係巴勒莫今季聯賽作客特別衰，五場作客一和四負，而前鋒艾保靴南迪斯及賓利拿都受傷缺陣，對「傻豹」巴勒莫攻力構成影響。


路華拿實力見底


同時間舉行仲有熱拿亞主場對路華拿，升班球隊路華拿連續多場失分，實力已經見晒底，球迷無謂對呢班波有太大憧憬。熱拿亞今季演出平穩，只要有正常發揮，贏波冇難度，進取啲捧「讓球主勝」。最後帕爾馬主場對烏甸尼斯，同樣睇好主隊，烏甸向來都係靠主場搵食，今場對帕爾馬隨時會縮住踢求一分，作客讓波有危機，捧帕爾馬「讓球主勝」。