蘇斯達借斯還魂

猪拉多纳

20/11/2011
文： SAMVO肥叔

科技愈來愈發達，菠菜集團投X模式已經變晒，以往會落定早飛，賭馬集團依家慣性留待臨開閘先落注，令散客冇得跟，目的係避免畀跟風客影響回報。足球菠菜班大鱷亦係一樣，大部分時間於走地先搏殺，等散客落晒注，之後慢慢搵靚位掃貨，謀取最大回報。




凡事總有例外，今晚西甲早場皇家蘇斯達主場對愛斯賓奴，蘇斯達有早飛支持，似係搏殺格，捧上盤！蘇斯達季初表現好曳，近期連場輸波，睇績確係唔多開胃。不過，經過國際賽檔期後，完全係洗牌再嚟過，增添唔少變數。蘇斯達本身人腳唔差，有條件變身，球隊近績唔掂，但仍然要讓平半，個盤已經有啲嘢，早飛仲有大戶提前入貨，情況絕不簡單，信飛可捧上盤。




（now 632及660周日晚7時直播）


奧沙辛拿主場惡


同日奧沙辛拿主場對華歷簡奴，捧主隊！奧沙辛拿級數唔算高，只屬西甲中游分子，不過呢班波於主場惡到不得了，今季聯賽主場未輸過，表現非常硬淨，今次對住同級對手華歷簡奴，又係出擊時候，現時讓緊半球，個盤都幾啱胃口，上盤有計！




（now 632及660周日晚11時直播）




而意甲早場博洛尼亞主場對切塞納，又係要主隊！博洛尼亞實力有限，面對中上游球隊欠缺搶分能力，若想保住頂級聯賽席位，對住同級對手絕對不容有失。包尾大幡切塞納近況曳，作客惡唔出樣，呢場捧博洛尼亞啱數。

肥叔心水

皇家蘇斯達上盤

博洛尼亞上盤

烏甸尼斯上盤

奧沙辛拿上盤

利物浦下盤

西維爾上盤

CF格蘭納達上盤