岐阜愛喪攻入球騷encore

猪拉多纳

13/11/2011
文： 蘇豪

要數日乙季尾最可靠球隊，必推ＦＣ岐阜，大軍近期貫徹只攻不守踢法，連開六口大，上次踢到補時都入多粒向大盤客交代，有誠意，夠鬥志，本周主場對草津溫泉，大盤屬不二之選！


（周日中午12時開賽）


ＦＣ岐阜衰足大半季，戰至季尾成績並無顯著改善，但以性感踢法娛人娛己，贏盡口碑。大軍近期於主場踢出唔少精彩戰役，包括以四比三擊敗ＦＣ橫濱，仲同前列分子鳥棲砂岩踢成四比四，一再上演入球騷，保證絕無冷場。岐阜上仗對岡山綠雉戰至最後階段憑射手押谷祐樹建功贏二比一，成功保住大盤，真抵錫！岐阜中場染矢一樹及守將野垣內俊本周雙雙坐波監，大可放棄防守盡快喪攻，放心追大！

橫濱散晒獻「細」

同日ＦＣ橫濱主場對湘南比馬，橫濱踢到季尾散晒，對上十二場聯賽不勝，攻擊主力卡奧菲臘比、法蘭卡及三浦知良齊齊死火，雖然老將三浦知良好想爭取士哥，可惜力不從心，球隊又博唔到十二碼畀佢射，堅冇計！湘南比馬亦唔好得幾多，近三戰全敗，其中兩場冇入波，火力甚弱，今次作客冇乜惡氣。兩軍態沉，依家仲已經等緊收咧，無心戀戰，大有機會hea踢了事，捧細。